മാറ്റം

ഒരു നിമിഷത്തേക്ക് 

എന്റെ ശ്വാസവും 

ഹൃദയമിടിപ്പും 

നിന്ന് പോകുന്നു 

മങ്ങിയ കാഴ്ചയില്‍ 

ഒരു മനുഷ്യന്‍ 

തല തല്ലി മരിക്കുന്നു 

പൊള്ളയായ വാക്കില്‍ 

കഥയും കവിതയും 

വെന്തുരുകുന്നു 

ചീകി മിനുക്കിയ 

മുടികള്‍ക്കിടയില്‍ 

ഒരു വെളുത്ത മുടി 

അപ്രിയ ചിന്തയില്‍ 

നരച്ച മുടി വീണ്ടും വീണ്ടും 

തികട്ടിവരുന്നു 

പടച്ചവന്‍

കാതുകള്‍ക്ക് മുകളില്‍ 

നിശബ്ദതയുടെ വാതിലുകള്‍ 

കൊട്ടിയടച്ചു കൊണ്ട് 

അവന്‍, ഇന്ന് 

ജന്മം കൊള്ളുന്നു 

രണ്ടു നിശ്വാസങ്ങള്‍ക്കിടയില്‍ 

അരങ്ങൊഴിയുമ്പോള്‍

അങ്ങ്, തെരുവില്‍ 

വഴിയോര കാഴ്ച്ചകള്‍ മാഞ്ഞുപോകുന്നു 

കടം വാങ്ങിയ ശയ്ത്യകാലം 

അതിനുള്ളിലെ തണുത്ത സ്വപ്‌നങ്ങള്‍ 

ആത്മഹര്‍ഷത്തിന്റെ ലാവാ പ്രവാഹം 

പകലോടുങ്ങുന്നു   

ഉറക്കം കണ്‍ പോളകള്‍ക്കിടയില്‍   

മുത്തായി ഒളിച്ചുവച്ചപ്പോള്‍ 

മനസ്സിനെ വേട്ടയാടാനായി

അരൂപിയായി ആത്മരതി 

ഇന്ന്

ഞാനും അവനും

കൂട്ടുകാര്‍ 

                           വിപിന്‍ വില്‍‌സണ്‍